Detajet e Shpalljes

Ofrohen për shitje katër banesa me sipërfaqe nga 78.70m², të cilat ndodhen në Veternik, ndërtim i Alwera Invest, në afërsi të Albi Mall prej vetëm 3 minuta, Stacionit të Autobusëve 4 minuta dhe Qendrës më pak se 10 minuta. Këto banesa janë ndërtime të Alwera Invest, në kompleksin e ashtuquajtur Kullat e Arta, i cili është projekti më i ri i kësaj kompanie, që përbëhet nga katër kulla banimi, ku secila prej tyre 20% të hapësirës e ka të dedikuar për afarizëm dhe kjo e bën që brenda kompleksit të ketë një sipërfaqe të madhe të hapësirave afariste, ku janë planifikuar një rrjet i madh i dyqaneve të ndryshme tregtare, supermarkete, ordinanca mjekësore. Kompleksi ka hapësira të mjaftueshme të përbashkëta si: pishina të jashtme, kopshte, kënde të lojrave për fëmijë. Ndërtime më bashkëkohore me material të cilësisë më të lartë, që mundësojnë kualitet dhe siguri të plotë. Banesat kanë këtë renditje: qëndrimin ditor, kuzhinën, dy dhoma të gjumit, një banjo, një tualet dhe një ballkon. Lokacioni është tejet i përshtatshëm, me qasje shumë të shpejtë në të gjitha shërbimet e nevojshme për klientë. Do të jetë tërësisht e përfunduar në Gusht, 2023.