Detajet e Shpalljes

Ofrohen vila për shitje në Makresh, në komunën e Novobërdës (Artanës), me kyqje direkte në magjistralen Gjilan – Prishtinë. Janë të ndërtuara me shumë klas e kujdes, me ndërtime të dyerve, dritareve dhe çdo ndërtimi tjetër me materiale të cilësisë më të lartë, tejet efikase dhe me qëndrueshmëri afatgjate.

Pozicionohen në një pjesë tejet të përshtatshme, qoftë për banim, pasi ndodhen një vend tejet të qetë dhe komod, ashtu edhe për nga ana shëndetësore, pasi ndodhen në një ambient të rrethuar me gjelbërim dhe ajër shumë të pastër, me lartësi mbidetare 900m, gjë që mundëson që të ketë qëndrim dhe banim shumë komod e të rehatshëm.

Vilat kanë sipërfaqe prej 104m² neto, të cilat kanë renditje të këtillë: katet përdhesë kanë qëndrimin ditor, kuzhinën, trapezarinë, depo, hollin dhe erëmbrojtësin, ndërsa katet e para kanë tri dhoma të gjumit, banjo dhe ballkone. Secila vilë ndodhet në truall prej 2.5 – 3 Ari, me oborr të mirëmbajtur. Sistemin e ngrohjes e kanë me energji elektrike, mirëpo kalldaja duhet të investohet nga blerësi.

Ndodhen në një lagje tejet të përshtatshme për banim, pasi është lagje e mbyllur, shumë e mirëmbajtur, me siguri të plotë, e cila ka edhe restorant, si dhe kënd të lojrave për fëmijë. Vilat kanë edhe pishina me çmim shtesë 15,000€. Do të jenë tërësisht të gatshme për banim në muajit Gusht/Shtator.